Nils Økland er født i 1961. Felespelaren (hardingfele, fiolin, viola d’amore) jobbar i gråsonen mellom norsk folkemusikk, improvisasjon og moderne musikk. Nils Økland var musikalsk leiar ved Ole Bull Akademiet i seks år. I tillegg til å leda eigne prosjekt er han leiar for Harald Hårfagre Kammerorkester i Haugesund. Han har vore solist med ulike orkester og ensemble i dei fleste europeiske land og hatt fleire turnear for Rikskonsertane. Han har urframført verk for solo hardingfele og med orkester, i tillegg til at han også komponerer mykje av sitt eige konsertrepertoar. Han har skrive musikken til skodespelet Melancholia, som er basert på Jon Fosse sine romanar Melancholia I og II, og som blei sett opp på Haugesund Teater, Rogaland Teater og Det norske Teateret, og forstillinga Horisonter basert på Kolbein Falkeids dikt ved Haugesund teater (2006). Har også laga filmmusikk, ballettmusikk og bestillingsverk for Osafestivalen, NRK, Sildajazz og Rikskonsertane.